उपराष्ट्रपति नन्दबहादुर पुन अष्ट्रियाको राजधानी भियना प्रस्थान गरेका छन् । उपराष्ट्रपति नन्दबहादुर पुन आगामी जेष्ठ १४ गते भियनामा सुरु हुने ‘अष्ट्रियन विश्व शिखर सम्मेलन’मा भाग लिन आइतबार बिहान त्यसतर्फ प्रस्थान गरेका छन् ।
उनलाई विदाई गर्न प्रधानमन्त्री केपी शर्मा ओली, प्रतिनिधिसभाका सभामुख कृष्णबहादुर महरा, पूर्व सभामुख सुवास नेम्वाङ, मन्त्रीहरुलगायत त्रिभुवन अन्तर्राष्ट्रिय विमानस्थल पुगेका थिए ।
यसै अवसरमा उपराष्ट्रपति पुनको सम्मानमा नेपाली सेनाले सलामी अर्पण गरेको थियो ।
उपराष्ट्रपति पुनले भियनामा आयोजना हुने जलवायु परिवर्तनसम्बन्धी ुअष्ट्रियन विश्व शिखर सम्मेलनुलाई सम्बोधन गर्नेछन् भने पुन ले अष्ट्रिया भ्रमणको क्रममा जेष्ठ १५ गते अष्ट्रियाको इन्सबु्रकमा आयोजना हुने अन्तराष्ट्रिय सगरमाथा दिवस कार्यक्रममा पनि सहभागिता जनाउने कार्यक्रम रहेको उपराष्ट्रपतिको कार्यालयले जनाएको छ ।
उपराष्ट्रपति पुन आगामी जेष्ठ १८ गते शनिबार स्वदेश फर्कने कार्यक्रम रहेको छ ।
