२९ मंसिर, कपिलवस्तु । सरकारविरुद्ध देशव्यापी विरोध प्रदर्शन गर्दै सडकमा उत्रिएको नेपाली कांग्रेसले कपिलवस्तुको सदरमुकाम तौलिहवामा पनि विरोध प्रदर्शन गरेको छ ।
सरकारले भ्रष्टाचार नियन्त्रण तथा सुशासन कायम गर्न नसकेको भन्दै कांग्रेसले देशव्यापी प्रदर्शन सुरु गरेको हो । केन्द्रीय सदस्य तथा संघीय संसद अभिषेक प्रताप शाहले सरकारकै कारण भ्रष्टाचार , अत्याचार , हिंसा बढिरहेको बताए । उनले केपी ओलीको सरकारलाई आवश्यक परेको खण्डमा मानसिक र राजनीति रुपमा ठीक पार्ने बताए । पूर्व मन्त्री एवं प्रदेश सभा सदस्य विरेन्द्र कनवडियले जनतालाई टाउकोमा राखेर जनताको हकहित र समृद्धिको लागि यो सरकारले काम गर्छ भने विश्वास गरेको भएपनि सरकार नालायकीपन, निकम्मापनले भ्रष्टाचारमा पूर्ण रुपमा डुबेको बताए । विरोध प्रदर्शन कार्यक्रममा संघीय संसद अतहर कलाम खान , पूर्व जिल्ला सभापति सुधार पाण्डे , नेपाल दरुण दलका जिल्ला अध्यक्ष शक्ति सिंह ठकुरी र नेपाल महिला संघकी कपिलवस्त अध्यक्ष मिना के. सी लगायतले सम्बोधन गरेका थिए ।
