गृहमन्त्री रामबहादुर थापाले आइतबार काठमाडौंको सुकेधारा र घट्टेकुलोमा भएको बम विस्फोटमा ज्यान गुमाउने सामान्य नागरिक नभएको बताएका छन् ।
सोमबार प्रतिनिधिसमा बैठकमा बोल्दै गृहमन्त्री थापाले विस्फोटमा मृत्यु / घाइते भएका सबै जसो विप्लव समूहसँग सम्बद्ध रहेको भन्दै उनले गैरकानुनी काम गर्ने सर्वसाधारण नहुने अभिव्यक्ति दिएका हुन् ।
‘उनीहरु सामान्य जनता होइनन् । घटना घटाउने कै ज्यान गएको छ । गैरकानुनी काम गर्ने सर्वसाधारण हुन सक्दैन’ थापाले भने । उनीहरू घटना घटाउन बम बनाउने क्रममा मारिएकाले उनीहरूलाई साधारण नागरिक भन्न नहुने थापाले बताएका छन् ।
प्रतिनिधि सभा बैठकमा बोल्दै थापाले विप्लवले जनसरकारकारुपमा जनपरिषद् र जनसेनाकारुपमा चार कम्पनी गठन गरेको समेत जानकारी जानकारी दिए ।
