५ चैत्र, कपिलवस्तु ।
पार्टी उपाध्यक्ष वामदेव गौतमलाई राष्ट्रिय सभा सदस्य बनाउने निर्णय कार्यन्वयन हुने पूर्वप्रधानमन्त्री एवं नेकपा वरिष्ठ नेता माधवकुमार नेपालले बताएका छन् ।
सचिवालय बैठकमा सर्वसम्मतिबाट भएको निर्णय कार्यान्वयन भएर छाड्ने नेता नेपालको भनाइ छ । कपिलवस्तुको बुद्धस्थल निग्रोधाराममा बुधबार संचारकर्मीसँग नेपालले भने, ‘सचिवालयले गरेको सर्वसम्मत निर्णय कार्यान्वयन नहुने भन्ने हुन्छ ? यस्तो कुरा मैले सोच्नै सक्दैन ।’
प्रधानमन्त्री ओलीसहितको सहमतिमा भएको निर्णय पालना हुनेमा आफू ढुक्क रहेको नेपालले बताए । नेपालले एमसीसी संझौता अनुमोदन गर्न पार्टीको कार्यदलले दिएको सुझाव आफूहरुको हातमा अझै नपरेको बताए । सुझावलाई अध्ययन गरेर छिटो टुङग्याउने उनको भनाइ छ ।
