विराटनगर,जेठ १३ :प्रदेश नम्बर ७ को राजधानी धनगढीको सेन्चुरी बैंकको शाखा कार्यालयमा गोली प्रहार भएको छ ।
धनगढीको ट्राफिक चोक नजिकै रहेको सेन्चुरी बैंकमा बैंक खुलेपछि पैसा निकालेर बाहिर निस्कँदै गरेका व्यक्तिमाथि आज बिहान अज्ञात समूहले गोली प्रहार गरेको प्रहरीले जनाएको छ ।
वडा प्रहरी कार्यालय धनगढीका इन्चार्ज प्रहरी निरीक्षक इन्द्र मल्लका अनुसार गोली लागि घाइते भएका ती व्यक्तिलाई उपचारका लागि सेती अञ्चल अस्पताल लगिएको छ ।
लुटेराले गोली प्रहार गरी उनलाई लुट्न खोजेको प्रहरीले अनुमान गरेको छ । तर लुटपाट भए नभएकोबारे प्रहरीले अनुसन्धान गरिरहेको छ।
मोटरसाइकलमा आएका व्यक्तिले गोली प्रहार गरेको प्रारम्भिक अनुसन्धानबाट देखिएको छ ।
