१२ असोज, विराटनगर ।
बिराटनगर–१३ झमेली चोकबाट लागुऔषध सहित २ जनालाई प्रहरीले नियन्त्रणमा लिएको छ । पक्राउ पर्नेमा धरान उप–महानगरपालिका–८ का ४६ बर्षीय पुर्णबहादुर तामाङ र धरान ११ का ४१ बर्षीय सुवास राई रहेका छन् ।
सीआरभी जतुवाबाट खटिएको प्रहरी टोलीले शनिवार राती ११ बजे सो चोकमा पैदल हिडिरहेका उनीहरुलाई चेकजाँच गर्दा उनीहरुको साथबाट डाइजोल्याप ११० एम्पुल, लुपिजेसिक ११० एम्पुल र एभिल ११० एम्पुल बरामद गरेको हो ।
लागुऔषधसहित पक्राउ परेका उनीहरुलाई इलाका प्रहरी कार्यालय रानीमा राखी थप अनुसन्धान भईरहेको जिल्ला प्रहरी कार्यालय मोरङले जनाएको छ ।
