२ वैशाख वीरगञ्ज ।
कोरोना संक्रमित भएर नारायणी अस्पतालमा उपचारारत एक महिलाको बिहीबार बिहान मृत्यु भएको छ ।
वीरगञ्ज महानगरपालिका–२ की ४२ वर्षीया महिलाको मृत्यु भएको नारायणी अस्पतालका कोभिड–१९ संयोजक डा. सरोज रोशन दासले जानकारी दिए ।
ती महिलाको उपचारकै क्रममा बिहीबार बिहान सवा ८ बजेतिर मृत्यु भएको डा. दासले बताए । गएको चैत २९ गते राति उपचारका लागि अस्पतालमा भर्ना भएकी ती महिलाको सोही दिन पीसीआर परीक्षण गर्दा संक्रमण देखिएको थियो ।
चैत ३१ गते अस्पतालमा बारा जितपुर सिमरा उप–महानगरपालिकाका एक युवक र वीरगञ्ज महानगरपालिका–३ का एक संक्रमितको उपचारको क्रममा ज्यान गएको थियो ।
