विराटनगर, माघ ७
मोरङको विराटनगरमा १ नं प्रदेशका सांसदले शपथ ग्रहण लिएका छन् । आज बिहान ११ बजे ज्येष्ठ सदस्यको हैसियतले प्रदेशसभा सदस्य ओम सरावगीलाई प्रदेश प्रमुख गोविन्द सुब्बाले शपथ गराएपछि सरावगीले अन्य प्रदेशसभा सदस्यहरुलाइ सपथग्रहण गराएका हुन् ।
विराटनगर स्थित विरेन्द्रसभा गृहमा १ नं प्रदेशअन्तर्गत मोरङ, झापा, इलाम, पाँचथर, ताप्लेजुङ, संखुवासभा, भोजपुर, सोलुखुम्बु, खोटाङ, धनकुटा, तेह्रथुम, सुनसरी, ओखलढुंगा, र उदयपुर जिल्लाका सांसदले शपथ लिएका हुन् ।
