१२ असोज, विराटनगर ।
मोरङको सुन्दरहरैचा नगरपालिका–६ विराटचौकमा टिपरको ठक्करबाट ९ बर्षीय बालकको मृत्यु भएको छ ।
आईतबार दिउँसो करिब पौने ३ बजे उत्तरबाट दक्षिण तर्फ जाँदै गरेको को १ ख ६२७३ नम्बरको टिपरले स्थानीय मिलन थपलियाको ९ बर्षीय छोरा लुकास थपलियालाई ठक्कर दिंदा बालकको घटनास्थलमा नै मृत्यु भएको ईलाका प्रहरी कार्यालय बेलवारीले जनाएको छ ।
चालकलाई नियन्त्रणमा लिएको र अन्य थप अनुसन्धान भईरहेका उक्त कार्यालयले जनाएको छ । बिराटचौकमा ९ महिना अघि पनि टिपरको ठक्करबाट एक बालिकाको मृत्यु भएपछि स्थानीयले आधा दर्जन बढी टिपर जलाउनुका साथै सो सडकमा टिपर आवातजावतमा रोक लगाएका थिए ।
