७ असोज, विराटनगर ।
मोरङको बेलबारीमा बसमा लुकाईछिपाई ल्याएको मदिरा सहित प्रहरीले चार जनालाई पक्राउ गरेको छ ।
मंगलबार दिउँसो करिब १ बजे बेलबारी वडा नं. ३ कार्यालय अगाडी पूर्वबाट पश्चिमतर्फ जाँदै गरेको को १ ख ५३६४ नं.को बसलाई ईप्रका बेलबारीबाट खटिएको प्रहरीले शंका लागि चेकजाँच गर्दा ८५ लिटर घरेलु मदिरा फेला परेको थियो ।
मदिरासहित प्रक्राउ पर्नेमा बसका चालक उर्लाबारी–४ बस्ने बर्ष–३५ को बलबहादुर बि.क, सहचालक उर्लाबारी–७ बस्ने बर्ष–२८ को रियान कार्की, मदिरा बोक्ने बेलबारी –११ बस्ने बर्ष–४० की सबिना मगर बर्ष–५० की फूल कुमारी राई रहेका छन् ।
उनीहरुलाई नियन्त्रणमा लिई बस,घरेलु मदिरा,मानिस सहित आन्तरिक राजस्व कार्यालय बिराटनगर पठाएको जिल्ला प्रहरी कार्यालय मोरङले जनाएको छ ।
