२५ वैशाख, एजेन्सी ।
भारतमा कोरोना भाइरसबाट संक्रमितको संख्या ५३ हजार नाघेको छ ।
स्वास्थ्य तथा परिवार कल्याण मन्त्रालयका अनुसार भारतमा संक्रमितको संख्या ५३ हजार ४५ पुगेको छ । पछिल्लो २४ घण्टामा ३५ सय ६१ जनामा कोरोना भाइरसको संक्रमण पुष्टि भएको हो । कोभिड–१९ का कारण भारतमा ज्यान गुमाउनेको संख्या १७ सय ८७ पुगेको छ । भारतमा संक्रमित भएका मध्ये हालसम्म १५ हजार ३३१ जना निको भएर घर फर्किएका छन्।
दिल्ली, मुम्बई तथा अहमदाबादसहितका ठूला शहरहरुमा संक्रमण तीव्र गतिमा फैलिएको छ। महाराष्ट्रमा १६ हजार ७५८, गुजरातमा ६ हजार ६२५, तमिलनाडूमा चार हजार ८२९ र राजस्थानमा तीन हजार ३१७ जनामा कोरोना भाइरसको संक्रमण देखिएको छ ।
