१२ असोज,विराटनगर ।
वडा दसैंको पहिलो दिन विराटनगरमा सामूहिक जमरा राखिएको छ । विराटनगर–३ स्थित शिव पाञ्चायन मन्दिर परिसरमा राखिएको जमरा कार्यक्रममा ३ सय ६० परिवारले सामूहिक जमरा राखेका छन् । श्री लक्ष्मीनारायण मन्दिर पाञ्चालीका पण्डीत चक्रपाणी न्यौपानेले शास्त्रीय विधि विधानपूर्वक कार्यक्रमका सहभागिलाई मंत्र पाठ सहित जमरा राख्न लगाए ।
पोखरीया युवा समूहको आयोजनामा २०६९ सालदेखि नियमित आयोजना हुंदै आएको सामूहिक जमरा कार्यक्रममा वडा नम्बर १ र ३ सहित अन्य वडाका श्रद्धालुहरुले समेत सामूहिक जमरा राख्ने गरेका छन् । विराटनगर महानगरपालिकाका प्रमुख भीम पराजुलीको परिवारले समेत सोहि ठाँउमा जमरा राखेका छन् ।
घटस्थापनाका दिन राखिने जमरा टिकाको दिन निकाल्ने गरिएको सामूहिक जमरा कार्यक्रममा कर्ताकोरुपमा बस्नु भएका युवा नेता कृष्ण कार्कीले जानकारी दिए । उनले ९ दिनसम्म अन्न नखाई बैदिक मन्त्रोचारण सहित पुजापाठ गर्ने नियम रहेको बताए । सो ठाउँमा दैनिक सन्ध्याकालीन भजनकिर्तनको आयोजना गर्ने कार्यक्रम छ । शिव पाञ्चायन मन्दिर समिति र राधाकृष्ण भजन मण्डलीले जमरा कार्यक्रमलाई सघाएको जनाइएको छ ।
