४ जेठ २०७६,विराटनगर
निर्वाचन कार्यालयका प्रमुख र कर्मचारीलाई लक्षितगरि प्रदेश एकको राजधानी विराटनगरमा ४ दिने प्रशिक्षण कार्यक्रम सुरु भएको छ । आगामी ७ गतेसम्म चल्ने प्रशिक्षणका सहभागिलाई निर्वाचन प्रचारप्रसार खर्च,निर्वाचन विवाद निरुपण,राजनितिक दल दर्ता तथा आय ब्यय विवरण,निर्वाचन जोखिम ब्यवस्थापन तथा मतदाता दर्ता सफ््टवेयर सञ्चालन सम्बन्धि तालिम दिइने जनाइएको छ । प्रशिक्षण कार्यक्रमको उद्घाटन गर्दै प्रमुख निर्वाचन आयुक्त दिनेशकुमार थपलियाले निर्वाचन प्रणालीलाई प्रबिधिमैत्री र मितब्ययी बनाउन आयोगले काम गरिरहेको बताए ।निर्वाचनलाई निष्पक्ष,मितब्ययी र जनताको विश्वासिलो बनाउन सुधार आवश्यक रहेको बताउदै थपलियाले त्यसकालागि आयोगले काम गरिरहेको बताए ।
उनले आगामी ५ बर्षमा विभिन्न ५ वटा मुख्य बिषयबस्तुलाई केन्द्रीत गरेर आयोगले सुधारका काम गर्न लागेको जानकारी दिए । आयुक्त थपलियाले निर्वाचन प्रणालीलाई थप प्रभावकारी बनाउन देशको ७ सय ५३ वटै स्थानियतहबाट मतदाता नामावली संकलन गरिनुपर्ने,विद्यालयको पाठ्यक्रममा मतदाता शिक्षा समावेश गरिनुपर्ने बताए । यस्तै प्रणालीलाई प्रविधिसंग जोड्नुका साथै निर्वाचनलाई मितब्ययी बनाउनु आवश्यक रहेको समेत बताए । निर्वाचन प्रणालीमा समग्र सुधारको योजना सहित आयोगले काम गरिरहेको बताउनुहुंदै उहांले निर्वाचन अघि र पछिको समयलाई सदुपयोग गर्दै सुधारात्मक अभियानमा सबै जुटनुपर्ने विचार ब्यक्त गरे । कार्यक्रममा मोरङका निमित्त प्रमुख जिल्ला अधिकारी उमेश पाण्डेले आयोगले थालेको सुधारात्मक अभियानले निर्वाचनलाई भरपर्दो,विश्वासिलो र मितब्ययी बनाउन सघाउ पुग्ने विश्वास ब्यक्त गरे ।
