२१ चैत्र, एजेन्सी ।
म्यानमारमा शनिबार पनि पाँच प्रदर्शनकारी मारिएका छन् ।
प्रजातन्त्रको पक्षमा प्रदर्शनमा उत्रिएकामाथि सैनिक सत्ताले बल प्रयोग गर्दा उनीहरुको ज्यान गएको हो। शनिबार भएको प्रदर्शनमा सुरक्षाकर्मीले चलाएको गोली लागेर पाँचजनाको ज्यान गएको छ।
मोनीवा शहरमा तीनजना तथा बागो र थातोनमा एक–एक जनाको ज्यान गएको म्यानमारनाव न्यूजलाई उद्धृत गर्दै समाचार संस्था रोयटर्सले उल्लेख गरेको छ।
गएको फेब्रुअरी १ मा निर्वाचित सत्ता हत्याएर शक्ति हातमा लिएपछि लगातार विरोध प्रदर्शन हुँदै आएको छ।
सैनिक कू को विपक्षमा भएका प्रदर्शनमा सुरक्षाकर्मीको बल प्रयोगका कारण ५५० जना भन्दा बढिको ज्यान गइसकेको छ।
तर प्रदर्शन लगातार जारी छ र सुरक्षा फौजको बल प्रयोग पनि उस्तै रहेको छ।
