सरकारले ल्याउने बजेट उत्पादनमुखी र रोजगारमुखी हुनुपर्छ ःपूर्व अर्थमन्त्री महत

पूर्व अर्थमन्त्री डा. रामशरण महतले सरकारले अब ल्याउने बजेट उत्पादनमुखी र रोजगारमुखी हुनुपर्ने बताउनुभएको छ । आज नेपाल प्रेस यूनियन धनकुटाले गरेको पत्रकार संमेलनमा बोल्दै कांग्रेस नेतासमेत रहनुभएका महतले आयात प्रतिस्थापन गर्ने गरी बजेट ल्याउनुपर्नेमा जोड दिनुभयो । बजेट बनाउँदा दीर्घकालिन सोच राख्न नसके देशको भविष्यलाई चौपट पार्ने बताउँदै उहाँले सरकाले ल्याएको निती तथा कार्यक्रम निबन्ध लेखे जस्तो आएको बताउँदै बजेट वितरणमुखी हुन नहुने बताउनुभयो । पहाडबाट भइरहेको बसाइँ सराईलाई रोक्नका लागि ग्रामिण अर्थतन्त्रसँग जोडिएको सडकमा बाह्रै महिना यातायत चल्ने बनाउनुपर्नेमा उहाँले जोड दिनुभयो । ग्रामिण अर्थतन्त्रलाई चलयमान बनाउनु र पुर्वाधारको बिकासमा जोड दिदै पानी जहाजभन्दा पनी तत्काल खानेपानी र सिंचाईको व्यवस्था गर्न सरकारको ध्यान जानु आवश्यक रहेको उहाँको भनाइ थियो ।