६ कात्तिक, विराटनगर ।
गायक तथा संगीतकार प्रेम घिमिरेको संगीतमा तातो समाचार बोलको गीत म्युजिक भिडियोसहित सार्वजनिक भएको छ । पदम साधना कुलुङको शब्द, दिनेश न्यौपानेको संगीत संयोजन रहेको गीतमा नेपाल आईडल सिजन ३ का सेकेन्ड रनर–अप किरण भुजेल र गायिका प्रसिद्धि लामाको स्वर रहेको छ ।
यस गीतको म्युजिक भिडियोको निर्देशन प्रविण तामाङले गरेका छन् भने भिडियोमा जुना सुन्दास र प्रविण तामाङले नै अभिनय गरेका छन् । यस गीतमा धेरै मिहेनत साथ काम गरेकोले यो गीतले दर्शक स्रोताको मन जित्ने आशा गायक किरण भुजेल र प्रसिद्धि लामाले राखेका छन् ।
नेपाली संगीत क्षेत्रमा दैनिक दर्जनौं गीत सार्वजनिक भईरहदा यो हप्ता मात्रै प्रेम घिमिरेको संगीतमा ४ ओटा गीत सार्वजनिक भई सकेको छ । उनकै संगीतमा केही गीतहरू सार्वजनिक हुने तयारीमा छन् । गीत र म्युजिक भिडियो राम्रो रहेकाले यो गीतले धेरैको मन जित्ने संगीतकार घिमिरेले बताएका छन् ।
[embedyt] https://www.youtube.com/watch?v=bycSIkUWIAA[/embedyt]
