१९ कार्तिक, एजेन्सी ।
अमेरिकामा राष्ट्रपति निर्वाचनको मतगणना भइरहेको छ।
वर्तमान राष्ट्रपति डोनाल्ड ट्रम्प र डेमोक्रेट उम्मेदवार जोय बाइडेनबीच कडा प्रतिस्पर्धा भइरहेको अन्तर्राष्ट्रिय संचारमाध्यमले जनाएका छन्। मतगणना भइरहँदा बाइडेनले आफू निर्वाचन जित्ने दिशामा रहेको प्रतिक्रिया दिएका छन्।
उनले आफ्ना समर्थकलाई धैर्य राख्न आग्रह गरेका छन्।यता ट्रम्पले भने निर्वाचनमा धाँधली भएको आरोप लगाएका छन्। ट्वीट गर्दै ट्रम्पले आफूहरु जितको नजिक रहेको तर निर्वाचनमा केहीले धाँधली गर्ने प्रयास गरिरहेको आरोप लगाएका हुन्।
मतदान केन्द्र बन्द भएपछि मत दिन पाइदैन भनेर उनले आज सम्बोधन गर्ने बताएका छन्। यता, ट्रम्पको उक्त ट्वीट भ्रामक भएको भन्दै ट्वीटरले उनको ट्वीटमा नोटिस राख्दै ट्वीट हाइड गरेको छ। यद्यपि, ट्रम्पको ट्वी हेर्न भने अझै सकिन्छ।
ट्वीटरले ट्रम्पको ट्वीट विवादास्पद भएको र निर्वाचन प्रणाली बारेमा भ्रामक सूचना भएको भन्दै नोटिस राखेको हो।
