Nepal Times
Nepal Times
3
Shares

विराटनगरको भारतीय फिल्ड अफिस हट्ने प्रधानमन्त्री ओलीकाे भनार्इ

विराटनगरको भारतीय फिल्ड अफिस हट्ने प्रधानमन्त्री ओलीकाे भनार्इ

विराटनगर,जेठ ५ ः प्रधानमन्त्री केपी शर्मा ओलीले विराटनगरमा रहेको भारतीय फिल्ड अफिस हटाउने बताएका छन् ।

नेपाल कम्युनिष्ट पार्टीको संसदीय दलको बैठकलाई सम्बोधन गर्दै ओलीले सो कुरा बताएका हुन् । १९५० को सन्धि फेर्न भारत सहमत भइसकेकोले अब विराटनगरको फिल्ड अफिस पनि उठ्ने बताए ।

२०६५ साल भदौमा आएको बाढीले कोशी ब्यारेज भत्किएपछि सवारी साधानहरुले भारतीय भूमि प्रयोग गर्नुपर्ने भयो । त्यसका लागि पास दिनका लागि भनेर भारतीय दूताबासले फिल्ड अफिस खुले पनि अझैसम्म यो हटेको छैन ।

परराष्ट्रमन्त्री भएको बेला नारायणकाजी श्रेष्ठले फिल्ड अफिस बन्द गर्न पत्र काटेका थिए ।
तर, भारतले न पत्रको जवाफ दियो, न कार्यालय नै हटाएको छ ।

नेकपा अध्यक्ष ओलीले नाकाबन्दी अस्वीकार गरेर भारतलाई एक खालको सहमतिमा ल्याएको भन्दै राष्ट्रिय हितबाहेक आफ्ना अरु कुनै स्वार्थ नबोकेको बताए ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.