१८ मंसिर, काठमाडौं । निर्माण हुन लागेको नेपाली चलचित्र ‘डिसेम्बर फल्स’का लागि अभिनेत्री उपासना सिंह ठकुरी अनुबन्धित भएकी छिन् ।
अभिनेता आर्यन सिग्देलसँग पर्दामा रोमान्स गर्न लागेकी उनले ‘क्याप्टेन’ फिल्मबाट डेब्यु गरेकी हुन । भारतीय चलचित्रकर्मी प्रवीण झाले निर्देशन गर्ने उक्त फिल्म सस्पेन्स लभस्टोरी हो । फिल्ममा कलाकार सलोन बस्नेत, सुमन थापा, नागेन्द्र रिजाल, दयाराम दाहाल, नरेश भट्टराईलगायतका कलाकारले अभिनय गर्नेछन । चलचित्र भारतीय छायाँकार रबि नायडुले खिच्नेछन । फिल्मको कथा बिपीका खनालले लेखेकी हुन भने पटकथा र संवाद भने केदार भुसालले तयार पारेका हुन । माघ ४ गतेदेखि फिल्म युनिट छायाँकनका लागि निस्कनेछ ।