२३ मंसिर, काठमाडौं । युवा खेलाडी विकासमा अखिल नेपाल फुटबल संघ (एन्फा) र सशस्त्र प्रहरी बल (एपीएफ)को विद्यालयबीच ऐतिहासिक सम्झौता भएको छ ।
एन्फाले फुटबल एकेडेमी स्थापनाका लागि एपीएफको विद्यालयसंग ६ वर्षको सम्झौता गरेको हो । सम्झौता अनुसार युवा खेलाडी विकासका लागि नेपाल एपीएफ स्कुल फुटबल एकेडेमी स्थापनाका गरिनेछ । एन्फा र एपीएफ दुवै पक्षले युवा खेलाडीलाई शिक्षामा सहयोग गर्दै ब्यवसायीक फुटबलमा अघि बढाउने महत्वकाक्षी योजनामा हस्ताक्षर गरेका छन् । सम्झौता पत्रमा एन्फा अध्यक्ष कर्माछिरिङ शेर्पा र नेपाल एपीएफका पुष्पराम केसीले हस्ताक्षर गरेका थिए । युवा खेलाडीको विकासमा एन्फा र एपीएफ स्कुलको फुटबल एकेडेमीले मिलेर काम गर्नेछन् । एन्फा र एपीएफ एकेडेमीको प्राविधिक टिमले देशभरबाट २१ खेलाडी छनोट गर्नेछ । जसमा १४ खेलाडी एन्फा र एपीएफले प्रायोजन गर्नेछन् । दुवै पक्षले खेलाडीको कक्षा १२ सम्मको शिक्षा सहितको सम्पूर्ण खर्च ब्यहोर्नेछन् । एकेडेमीमा एन्फाका दक्ष प्रशिक्षकले अभ्यास गराउनेछन् ।
