१० कार्तिक , काठमाण्डौ ।
साउदी अरेबियामा रहेका सम्पूर्ण नेपाली नागरिकलाई सुरक्षा सतर्कता अपनाउन नेपाली दूतावासको आग्रह ।
साउदी अरेबियाको पछिल्लो सुरक्षा अवस्थालाई ध्यानमा राख्दै दूतावासले सोमबार पाँचबुँदे आग्रह सार्वजनिक गरेको हो।
दूतावासद्वारा नेपाली नागरिकलाई आफ्नो सुरक्षामा विशेष ध्यान दिन, सम्बन्धित निकायबाट जारी गरिएका आधिकारिक निर्देशनहरू पालना गर्न र कुनै पनि जोखिमपूर्ण गतिविधिबाट टाढा रहन अनुरोध ।
त्यसैगरी, सामाजिक सञ्जाल तथा अन्य माध्यमबाट फैलिने अपुष्ट सूचना र हल्लामा विश्वास नगर्न तथा त्यस्ता जानकारी अरूलाई नफैलाउन पनि दूतावासको आग्रह ।
यात्रा गर्दा आवश्यक सावधानी अपनाउन र सम्बन्धित निकायले जारी गरेका सुरक्षा सूचनालाई ध्यान दिनसमेत नेपाली नागरिकलाई अनुरोध ।
कुनै समस्या, आपत्कालीन अवस्था वा सुरक्षासम्बन्धी कठिनाइ आइपरेमा नेपाली दूतावाससँग सम्पर्क गर्न पनि आग्रह ।
दूतावासले नेपाली नागरिकलाई आधिकारिक सूचनामा भर पर्न र परिस्थितिअनुसार सावधानी अपनाउन अनुरोध गरेको छ।
