३ पौष, काठमाडौं । फिफाको वर्ष २०२० को ’द बेष्ट’को उपाधि रोबर्ट लेवान्दोस्कीले पाएका छन् ।
उपाधि जितेसँगै लेवान्दोस्कीले लियोनल मेस्सी र क्रिस्टियानो रोनाल्डोको वर्चश्वलाई फेरि एक पटक तोडेका छन् ।
लेवान्दोस्कीले पछिल्लो सिजन बायर्न म्युनिखलाई युरोपको सर्वोत्कृष्ट सफल क्लब बनाउन भूमिका खेलेका थिए । उनी च्याम्पियन्स लिगमा सर्वाधिक गोलकर्ता बनेका थिए भने टिमलाई च्याम्पियन्स लिगको उपाधि दिलाउन ठूलो भूमिका खेलेका थिए ।
यसका साथै उनले टिमलाई घरेलु लिग बुन्डेसलिगको उपाधि जितेका थिए । यस्तै, फिफाको उत्कृष्ट प्रशिक्षकको अवार्ड लिभरपुलका प्रशिक्षक योर्गेन क्लोपले जितेका छन । उनले लगातार दोस्रो पटक यो अवार्ड जितेका हुन । उनले २०१९ मा पनि उत्कृष्ट प्रशिक्षकको उपाधि जितेका थिए ।
