११ पुस, विराटनगर ।
सुनसरीको दुहबी–१२ का ५२ बर्षीय रामफल माझीको स्कुटी दुर्घटनाबाट मृत्यु भएको छ ।
शुक्रबार बेलुका सवा ६ बजे विराटनगर–४ कंचनबारीमा को १ क २८७८ नम्बरको मिनि ट्रकले को ३१ प २३ नम्बरको स्कुटीलाई ठक्कर दिँदा स्कुटी चालक माझी गम्भिर घाईते भएका थिए ।
घाईते माझीको नोबेल अस्पताल विराटनगरमा उपचारको क्रममा बेलुका साढे ६ बजे मृत्यु भएको जिल्ला प्रहरी कार्यालय मोरङले जनाएको छ ।
ठक्कर दिने ट्रक र चालक मोरङ बुढीगंगाका ३८ बर्षीय प्रेम न्यौपाने नियन्त्रणमा रहेको उक्त कार्यालयले जनाएको छ ।
