११ पुस, काठमाडाैँ ।
हुम्लाबाट निर्वाचित प्रतिनिधिसभा सदस्य छक्कबहादुर लामा नेकपा ओली पक्षले दिएको केन्द्रीय सदस्य पद अस्वीकार गर्दै प्रचण्ड-माधव समूहमा लागेका छन् ।
नेकपा फुट्दा ओली समूहमा लागेका उनलाई केन्द्रीय सदस्य बनाइएको थियो । तर शनिबार विज्ञप्ति प्रकाशन गरी आफूलाई केन्द्रीय सदस्यमा मनोनय गरेकामा ओली पक्षलाई धन्यवाद दिँदै आफूलाई अस्वीकार्य भएको जानकारी गराएका हुन्।
जनमत र हुम्लावासीको सुझावको कदर गर्दै आफू प्रचण्ड नेपाल पक्षमै रहेको उनले विज्ञप्तिमार्फत बताएका छन्। उनले आफू ओली पक्षमा लागेको भन्ने हल्लाको भ्रममा नपर्न सबै नेता/कार्यकर्ता तथा हुम्लावासीलाई आग्रहसमेत गरेका छन्।
