११ पुस, चितवन ।
सत्तारुढ नेपाल कम्युनिष्ट पार्टी (नेकपा) का अध्यक्ष एवम् प्रधानमन्त्री केपी ओलीको समर्थनमा चितवनको कालिका नगरपालिकास्थित खोलेसिमल बजारमा प्रदर्शन गरिएको छ ।
मदन भण्डारी स्पोर्ट्स एकेडेमी, युवा सङ्घ र अनेरास्ववियुको आयोजनामा आज साँझ भएको कार्यक्रममा नेता तथा कार्यकर्ताहरूले ओलीको कदमको समर्थन गरेका हुन् ।
पार्टी भित्रैबाट असहयोग भएपछि प्रधानमन्त्री ओली संसद् विघटन गरी मध्यावधि चुनाव गर्न बाध्य भएको नेकपाका जिल्ला नेता कमलराज पाठकले बताए।
प्रदर्शनमा सहभागी युवा विद्यार्थी नेताहरूले प्रधानमन्त्री केपी ओली जिन्दाबाद, जनताको बहुदलीय जनवाद जिन्दाबाद, आजलाई होइन भोलिलाई हाम्रो समर्थन संस्थापन पक्ष ओलीलाई लगायतका नारा लगाएका थिए ।
कार्यक्रममा नेकपाका केन्द्रीय सदस्य दुर्गादत्त पौडेल , कालिका नगरपालिका नेकपाका नेता केशव लामा लगायतले मन्तव्य राखेका थिए। सो अवसरमा प्रधानमन्त्री केपी ओलीको समर्थनमा दीप प्रज्वलन समेत गरिएकाे छ ।
