Nepal Times
Nepal Times
3
Shares

गणतन्त्र दिवसमा विद्यार्थीको प्रभातफेरी

गणतन्त्र दिवसमा विद्यार्थीको प्रभातफेरी

काठमाडौँ, जेठ १५
संयुक्त विद्यार्थी संगठनले आज बिहान ११ औँ गणतन्त्र दिवस अवसरमा प्रभातफेरी गरेका छन् ।

भृकुटीमण्डपबाट प्रभातफेरी शुरु भई पुतलीसडक हुँदै शान्तिबाटिका पुगेर कोणसभामा परिणत गरिएको अनेरास्ववियु (क्रान्तिकारी)का उपाध्यक्ष सुरेन्द्र बस्नेतले जानकारी दिए ।

प्रभातफेरीमा विद्यार्थीले ‘गणतन्त्र दिवस जिन्दावाद’, ‘गणतन्त्रको उपहार शिक्षा, स्वास्थ्य र रोजगार’ ,‘वीर शहीद, अमर रहून्’, ‘गणतन्त्रको उपहार सुखी नेपाली, समृद्ध नेपाल’ जस्ता नारा लेखिएका प्ले कार्ड बोकेका थिए ।

प्रभातफेरी कार्यक्रममा नेवि संघ अध्यक्ष नैनसिंह महर, अखिल (क्रान्तिकारी) का अध्यक्ष रञ्जित तामाङ, अनेरास्ववियुका उपाध्यक्ष सुनिता बराल, अखिल (छैटौँ) का अध्यक्ष विमल पोखरेललगायतले गणतन्त्र ल्याउनमा विद्यार्थीको महत्वपूर्ण भूमिका रहेको उल्लेख गर्दै गणतन्त्रले शहीदका सपना पूरा गर्नुपर्ने बताएका थिए ।
रासस

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.