१४ पौष, उदयपुर। उदयपुरको त्रियुगा नगरपालिका-६ लालपत्ताबाट लागुऔषध सहित १ जना पक्राउ परेका छन् ।
लागुऔषधको ओसार पसार भईरहेको भन्ने बिशेष सूचनाका आधारमा जिल्ला प्रहरी कार्यालय उदयपुरबाट खटिएको प्रहरी टोलीले नवराजपुर नगरपालिका-६ सिराहाका २४ बर्षीय पवन चौधरीलाई लागुऔषध सहित पक्राउ गरेको हो ।
पक्राउ परेका चौधरीको साथबाट प्रहरीले नुपहाईन २३ एम्पुल , प्रोमेथजाईन २३ एम्पुल, डायजेल्यब २३ एम्पुल गरि जम्मा ६९ एम्पुल र मोवाईल २ थान समेत बरामद गरेको छ । पक्राउ परेका चौधरीको सम्बन्धमा थप अनुसन्धान भईरहेको उक्त कार्यालयले जनाएको छ ।