काठमाडौँ : सन् २०२१ मा नेपालको आर्थिक वृद्धिदर ०.६ प्रतिशतमा सीमित हुने विश्व बैंकको प्रक्षेपण छ । बैंकले मंगलबार सार्वजनिक गरेको ग्लोबल इकोनमिक प्रस्पेक्ट प्रतिवेदनमा सन् २०२० मा नेपालको आर्थिक वृद्धिदर ०.२ प्रतिशत रहेको अनुमान प्रतिवेदनमा गरिएको छ ।
कोभिड–१९ को महामारीले दक्षिण एसियामा गरिबी र बेरोजगारीमा वृद्धि गरेको विश्व बैंकले जारी गरेको विज्ञप्तिमा जनाइएको छ । महामारीका कारण भारतको अर्थतन्त्रमा पनि ठूलो प्रभाव परेको जनाइएको छ । भारतको अर्थतन्त्र सन् २०२१ मा ९.६ प्रतिशतले नकारात्मक हुने प्रतिवेदनमा जनाइएको छ ।
पर्यटनमा निर्भर माल्दिभ्स, नेपाल र श्रीलंकाजस्ता मुलुक पनि महामारीका कारण प्रभावित बनेको बताइएको छ । महामारीअघि बजार र अर्थतन्त्र वृद्धिका हिसाबले उच्च स्थानमा रहेको बंगलादेशको अर्थतन्त्र सन् २०२१ मा २ प्रतिशत बढ्ने अनुमान गरिएको छ । पाकिस्तानको अर्थतन्त्र १.५ प्रतिशतले नकारात्मक हुने प्रक्षेपण छ ।, याे समाचार कान्तिपुर दैनिकमा छ ।
