२६ पुस, धनगढी ।
प्रतिनिधिसभा विघटन गर्ने प्रधानमन्त्री केपी शर्मा ओलीको कदमविरुद्ध सुदूपश्चिम प्रदेशको धनगढी बयलगाडा प्रदर्शन भएको छ। ओलीले असंवैधानिक ढंगले संसद् विघटन गरेको र देशमा अस्थिरता निम्ताएको भन्दै नेकपा प्रचण्ड–नेपाल समूहको अनेरास्ववियू जिल्ला कमिटी कैलालीले आइतबार प्रदर्शन गरेको हो ।
धनगढीको क्याम्पस चोकदेखि पार्क मोडसम्म बयलगाडा जुलुस निकालिएको थियो । प्रदर्शनकारीले प्रतिनिधिसभा विघटन गैरसंवैधानिक भएका भन्दै प्रधानमन्त्री केपी शर्मा ओलीविरुद्ध नाराबाजी गरेका थिए।
शनिबार मात्रै प्रधानमन्त्री एवं नेकपा अध्यक्ष ओलीले धनगढीमा नै आयोजित सभालाई सम्बोधन गरेका थिए। ओलीको सम्बोधन लगत्तै सोही स्थानमा दाहाल-नेपाल पक्षले ओलीको कदमविरुद्ध प्रदर्शन गरेको हाे ।
विगतमा ओलीले ‘गणतन्त्र ल्याउनु भनेको बयलगाडा चढेर अमेरिका पुग्नुजस्तै हो’ भनेर दिएको अभिव्यक्तिलाई व्यंग्य गर्दै अनेरास्ववियूले आज देशभर बयलगाडासहित प्रदर्शन गरेको हो ।
