धनकुटा, जेठ २८
प्रहरीले धनकुटाको चौविसे गाउँपालिका ७ मा गाँजा फडानी गरेका छन्।
चौविसे गाउँपालिका ७ स्तित भोगबहादुर लिम्बु र सोनम लिम्बुको बारीमा प्राकृतिक रुपले उम्रिएका ११५ बोट गाँजा अस्थायी प्रहरी पोष्ट मौनाबुधुकबाट खटिएको टोलीले आइतबार बिहान उखालेर नष्ट गरेको हो।
धनकुटामा प्राकृतिक रुपमा उम्रिएका गाँजाका बोटहरुले विकृती फैलिएपछि प्रहरीले गाँजा फडानी अभियान तिव्र पारेको छ।
यता प्रहरीले मोरङको सुन्दरहरैचा नगरपालिका– १ बाट दुई सय लिटर घरेलु मदिरा बरामद गरेको छ।इलाका प्रहरी कार्यालय हरैचाबाट खटिएको गस्ती टोलीले सुन्दरहरैचा नगरपालिका १ टुक्रेबाट आइतबार बिहान तीन वटा साइकलसहित दुई सय लिटर रक्सी बरामद गरेको हो।
साइकलमा रक्सीको जर्किन झुण्डाएर विरटनगरतर्फ ल्याउँदै गरेको अवस्थामा प्रहरीलाई देखेपछि ओसार पसारमा संलग्न मानिसहरु भने साइकल छाडी भागेका छन् ।
