८ वैशाख, हेटौंडा ।
कोरोना संक्रमित भएर घरमै आइसोलेसनमा बसेका हेटौंडाका एक पुरुषको मृत्यु भएको छ।
हेटौंडा–४ कर्राका ७४ वर्षीय पुरुषलाई सोमबार कोभिड–१९ पोजेटिभ देखिएको थियो। सोमबार सामान्य ज्वरो आएपछि उपचारका लागि अस्पताल लगिएकोमा कोभिड देखिएको हेटौंडा उपमहानगरपालिका वडा नम्बर ४ का अध्यक्ष नवीन सिग्देलले जानकारी दिए ।
संक्रमण पुष्टि भएपछि उनी घरमै आइसोलेसनमा बसेका थिए । गएराति घरमै उनको मृत्यु भएको हो । उनलाई अन्य कुनै रोग नभएको परिवारले बताएको छ।
