१० बैशाख, काठमाडौ । भारतमा एकै दिन ३ लाख १४ हजार ८ सय ३५ कोरोना संक्रमित भेटिएका छन्।
कुनै पनि देशमा एकै दिन यति धेरै कोरोना संक्रमित भेटिएको यो पहिलोपटक हो। यसअघि गत जनवरीमा अमेरिकामा एकै दिन २ लाख ९७ हजार ४ सय ३० जना संक्रमित भेटिएका थिए
भारतको राजधानी नयाँ दिल्लीसहित उत्तर तथा पश्चिमी क्षेत्रका स्वास्थ्य अधिकारीले कोरोना संकट भयावह बनेको र अस्पतालका बेड भरिएको तथा अक्सिजन अभाव रहेको बताएका छन्।
कतिपय स्थानमा चिकित्सकले बिरामीलाई घरमै बस्न सुझाएका छन्। भारतको पूर्वी सहर मुजफ्फरपुरमा शवदाह गृहमा शव जलाउन मृतकका परिवार कुरेर बस्नुपर्ने स्थिति आएको छ।
