३० जेठ, पोखरा ।
गण्डकी प्रदेशका नवनियुक्त मुख्यमन्त्री कृष्णचन्द्र नेपाली पोखरेलले पद तथा गोपनीयताको शपथ लिएका छन् ।
प्रदेश प्रमुख सीताकुमारी पौडेलसमक्ष उनले शनिबार राति पद तथा गोपनीयताको शपथ ग्रहण गरेका हुन् । शपथसँगै उनले ५ सदस्यीय मन्त्रिमण्डल बिस्तार गरेका छन् । नयाँ बन्ने मन्त्रीहरु सबै विनाविभागीय हुन् ।
मन्त्री बन्ने सौभाग्य पाउनेमा कांग्रेसबाट कुमार खड्का, माआवादी केन्द्रकी मधुमाया अधिकारी गुरुङ, जनता समाजवादी पार्टीका हरिशरण आचार्य र स्वतन्त्र सांसद राजीव गुरुङ छन् । राजी गुरुङ यसअघि युवा तथा खेलकुद मन्त्री थिए ।
