विराटनगर,असार १७
लायन्स क्लव अफ विराटनगर डायनोको बर्ष २०१८÷१९ को अध्यक्षमा विजय बोहोरा चयन भएका छन । क्लवका निवर्तमान अध्यक्ष मोहित अग्रवालले विराटनगरमा आयोजित एक कार्यक्रमकाबीच पद हस्तान्तरण गरेका छन ।
यसैगरी क्लवको उपाध्यक्षद्वयमा विजय भगत र अन्वित घिमिरे, सचिवमा राजन भगत तथा कोषाध्यक्षमा गोविन्द मुन्दडा चयन भएका छन।
पद हस्तान्तरण कार्यक्रममा बोल्दै लायन्स क्लव अन्तर्राष्ट्रिय डिष्ट्रिक ३२५ एवानका पूर्व गभर्नर भीम घिमिरेले आफ्नो कार्यकालमा सुरु भएको क्लवले संस्थापक अध्यक्ष सञ्जीव सिग्देलदेखि निवर्तमान अध्यक्ष मोहित अग्रवालसम्म आइपुग्दा सामाजिक क्षेत्रमा उल्लेखनीय काम गरेको भन्दै प्रशंसा गरे ।
उनले नयाँ अध्यक्ष विजय बोहोराको टिमले पनि सोही गतिमा काम गरेर देखाउन विश्वास सहित सफल कार्यकालको सुझाव र शुभकामना पनि ब्यक्त गरेका छन ।
