विराटनगर,असार १७
सञ्चार तथा सूचना प्रविधि मन्त्री गोकुल बास्कोटाले अधिनायक विरुद्ध लडेर प्रजातन्त्र ल्याएको दलको नेतृत्वमा वनेको सरकार कुनैपनी हालतमा अधिनायकबाद हुन नसक्ने बताएका छन् । नेपाल पत्रकार महासंघ मोरङले शनिबार विराटनगरमा आयोजना गरेको पत्रकार सम्मेलनमा मन्त्री वास्कोटाले कम्युनिष्टहरुको स्थिर सरकार बनेको देखेपछि विरोधका लागि मात्र यस्ता कुरा आएको बताए ।
कम्युनिष्टको सरकार आएपछि अधिनायकबाद उन्मुख भएको भन्नु आलोचना मात्र भएको बताउदै उनले आलोचना हुने डरले आफनो दायित्ववाट सरकार पछि नहटने र चुनावी घोषणापत्र अनुसार जिम्मेवारी पुरागर्ने उल्लेख गरे । मन्त्री बास्कोटाले अहिलेनै सरकारको आलोचना गर्ने समय समेत नभएको उल्लेख गरे ।
उनले सरकार ५ बर्षका लागि बनेकोले सरकारले हतारमा नभई योजना बद्ध ढंगले काम गर्ने भएकोले अहिले नै काम गरेन भनेर आलोचना गर्नुको कुनै अर्थ नभएको बताए। जनतासंग गरेको प्रतिबद्धता अनुसार सरकारले निति तथा कार्यक्रम ल्याएको भन्दै उनले यो काम गर्ने भएकोले १ बर्ष पनि नभई सरकारले काम गरेन भनेर मुल्याङकन गर्ने बेला अहिले नभएको बताए।
स्थिर सरकार बनेकोले सरकारले तोकीएको काम तोकिएको समयमा हुनुपर्ने, भ्रष्टाचार रहित रुपमा काम हुनुपर्ने कुरा कडाइका साथ लागु गर्दै योजनाबद्ध रुपमा ५ बर्ष विकास र समृद्धिमा लाग्ने मन्त्री बास्कोटाको भनाई छ ।
