६ साउन, एजेन्सी ।
चीनमा मुसलधारे पानीका कारण आएको बाढीमा प्रभावित दश हजार बढी नागरिकको उद्धार गरिएको छ । ख्वनान प्रान्तका उनीहरुलाई सुरक्षित ठाउँमा स्थानान्तरण गरिएको छ ।
मध्य चीनमा बाढी आएसँगै मानिसहरू घर छोड्न बाध्य भएका छन् । रेल स्टेशन र सडक डुबानमा परेका छन् । मुख्य सडकहरू बन्द र उडानहरू रद्द गरिएसँगै एक दर्जनभन्दा बढी सहर प्रभावित भएका छन् ।
बाढीमा केहीले ज्यान गुमाएको खबर प्राप्त भएको बीबीसीले जनाएको छ । झण्डै ९ करोड ४० लाख जनसङ्ख्या रहेको ख्वनान प्रान्तमा मौसमसम्बन्धी चेतावनी जारी गरिएको छ ।
