२ भदौ, काठमाडौं ।
प्रमुख विपक्षी नेकपा एमालेका वरिष्ठ नेता माधवकुमार नेपालले आफ्नो नेतृत्वमा नयाँ दल खाेल्ने निर्णय गरेसँगै पार्टी विभाजन भएकाे छ । नेपालले आफ्नो नेतृत्वमा नयाँ दल ‘नेकपा एमाले समाजवादी’ दर्ताका लागि निर्वाचन आयोगतर्फ लागेका छन् ।
‘नेकपा एमाले समाजवादी’को संयोजकमा नेता नेपाल छन् भने ९५ सदस्यीय केन्द्रीय कमिटी रहने एक केन्द्रीय सदस्यले बताए। चुनाव चिन्हमा खुला किताब प्रस्ताव गरिएको छ ।
दल विभाजनका लागि सहज हुनेगरी सरकारको सिफारिसमा राष्ट्रपति विद्यादेवी भण्डारीले बुधबार मात्र राजनीतिक दलसम्बन्धी अध्यादेश प्रमाणीकरण गरेकी थिइन् ।
अध्यादेशमा संसदीय दल वा केन्द्रीय समितिको २० प्रतिशत पु¥याएर दल विभाजन गर्न सकिने उल्लेख छ ।
