८ भदाै, काठमाडौं ।
प्रस्तावित नेकपा एकीकृत समाजवादीका अध्यक्ष माधवकुमार नेपालले बागतमी प्रदेशकी मुख्यमन्त्री अष्टलक्ष्मी शाक्य आफ्नै चाहना र सुझाव अनुसार मुख्यमन्त्री बनेको बताएका छन्। मंगलबार चन्द्रागिरिमा पार्टीको केन्द्रीय कमिटी बैठकलाई सम्बोधन गर्दै उनले यस्ताे बताएका हुन्।
उनले भने, ‘उहाँ पनि अहिले अप्ठ्यारोमा हुनुहुन्छ। किनकि, अब २१ दिनभित्र पार्टी खुलाउनुपर्ने हुन्छ ।’ नेता नेपालले शाक्यले अब लिने निर्णयका आधारमा आफूहरूले उहाँको सरकारलाई सघाउने वा नसघाउने निर्णय हुने बताए।
शाक्य लामाे समय नेपाल पक्षमा थिइन्। गत भदौ २ गते नेता नेपालले नयाँ पार्टी दर्ता गर्न निर्वाचन आयोगमा निवेदन दिँदै गर्दा शाक्य भने बागमती प्रदेशको मुख्यमन्त्री बनेकी थिइन्।
