८ भदौ, एजन्सी ।
आफ्ना नागरिको उद्धार गर्न अफगानिस्तान आएको युक्रेनी विमान अपहरण भएको छ । युक्रेनका उप–विदेशमन्त्री यभगेनी येनिन्ले मंलगबार उक्त विमान अपहरण भएको जानकारी दिएका हुन् ।
उद्धार गर्न काबुल विमानस्थल पुगेको विमान केही मानिसहरुको समूहले अपहरण गरी इरानतर्फ लगेको बुझिएको छ ।अपहरणकारीहरुले हतियारसमेत बोकेकाे जनाइएकाे छ । उप–विदेशमन्त्रीको भनाईलाई उदृत गर्दै सञ्चारमाध्यम तासले लेखेको छ,‘गत आइतबार हाम्रो उद्धाररत विमान केही मानिसको समूहद्धारा हाईज्याक भएको छ । मंगलबारबाट उक्त विमान हाम्रो सम्पर्क बाहिर छ । केही मानिसको समूहले विमानलाई इरानतर्फ लगेको छ । हाम्रो तीनवटा उद्धार कार्यमा बाकी रहेको छ ।’
विमानमा उद्धारको क्रममा ८३ जना युक्रेनी नागरिक रहेको जनाइएको छ । तालिवानले अगस्त १५ मा अफगानिस्तान कब्जा गरेपछि त्यहाँ रहेको विदेशी नागिरिकहरुको धमाधम उद्धार कार्य जारी छ ।
