२१ भदाै, झापा।
आफ्नै दाजुको हत्या गरेर फरार रहेका झापा कचनकवल -३ का ३७ बर्षीय रतन राजबंशीलाई प्रहरीले पक्राउ गरेको छ । आइतबार बिहान साढे ७ बजे बिर्तामोड नगरपालिका ४ स्थितमा डेरा गरी बस्ने उनका दाजु ५० बर्षीय भात्रु राजबंशी आफु सुत्ने कोठाभित्र मृत अवस्थामा फेला परेका थिए ।
घटनाबारे जिल्ला प्रहरी कार्यालय झापा र ईलाका प्रहरी कार्यालय अनारमनीबाट खटिएकाे प्रहरी टोलीले बुझ्दा उनकै भाई रतन राजबंशीले मार्तलले हानी हत्या गरेको खुल्न आएको छ ।
दाजुको हत्या गरि फरार रहेका रतनलाई खोजतलासमा खटिएको प्रहरी टोलीले आइतबार राती ९ बजे मेचीनगर १५ बाट मार्तल सहित पक्राउ गरिएको जिल्ला प्रहरी कार्यालय झापाले जनाएको छ । उनलाई जिल्ला अदालत झापाबाट कर्तव्य ज्यान शिर्षकमा म्याद थप गरी थप अनुसन्धान भईरहेको प्रहरीले जनाएकाे छ ।
