२२ भदौ, काठमाडौं ।
ज्वरोका विरामीका साथै दुखाइ कम गर्न प्रयोग गरिने औषधि पारा सिटामोल अभाव हुन थालेको छ ।
कच्चा पदार्थको भाउ बढेको भन्दै औषधि उत्पादकहरुले मूल्य झण्डै दोब्बर बनाउन माग गरेका छन् । तर सरकारले कोरोना महामारीको समयमा मूल्य बढाउन नसक्ने बताएपछि थुप्रै कम्पनीले उत्पादन नै रोकेका छन् ।
बजारमा पनि माग बढेकाले बजारमा पारासिटामोलको अभाव हुन थालेको औषधि व्यवस्था विभागले स्वीकार गरेको छ । ‘चरम अभावकै अवस्था त होइन, तर उत्पादन र वितरणमा सन्तुलन नमिलेका कारण केही असहज अवस्था आएको छ’ विभागका सूचना अधिकारी सन्तोष केसीले भने ।
