२३ भदाै, एजेन्सी ।
बलिउड सुपरस्टार अक्षय कुमारको आमा अरुणा भाटियाको निधन भएको छ।
अरुणाको मुम्बईको हिरानन्दानी अस्पतालमा उपचारका क्रममा आज बिहान निधन भएको हो । केही दिन यता अक्षयकी आमाको स्वास्थ्य समस्या दिएपछि अस्पतालमा भर्ना गरिएको थियो । आमाको स्वास्थ्य अवस्था बिग्रिएपछि अक्षय बेलायतबाट फिल्म ‘सिन्ड्रेला’को छायांकन छाडेर केही दिन अघि भारत फर्किएका थिए । अक्ष्यले सामाजिक सञ्जालमार्फत आमाको निधन भएको जानकारी दिएका छन् ।
अक्षय कुमारले ट्वीटरमा लेख्छन्, ‘उनी मेरी महत्त्वपूर्ण हिस्सा थिइन् । आज मलाई असह्य पीडा महसुस भइरहेको छ । मेरी आमा श्रीमती अरुणा भाटियाले आज बिहान यो दुनियाँबाट बिदा भएकी छिन् । उनी अर्को दुनियाँमा मेरा पितालाई भेट्न गएकी छिन् । म तपाईँहरूको प्रार्थनाको सम्मान गर्छु किनभने म र मेरो परिवार निकै विचलित पारिदिने स्थितिबाट गुज्रिरहेका छौँ । ओम शान्ति ।’