३१ भदौ, विराटनगर ।
राउण्ड टेबल नेपालले ५७ औं राष्ट्रिय बाल दिवस देशभर विभिन्न कार्यक्रम आयोजना गरि मनाएको छ । राउण्ड टेबलले बालदिवसमा विभिन्न खेलकुदका अतिरिक्त, चित्रकला प्रतियोगितासमेत विद्यार्थी माझ सम्पन्न गरेको छ ।
दिवसकै अवसरमा विद्यार्र्थीहरुलाई केकसहित खाजासमेत वितरण गरिएको प्रदेश–१ प्रोजेक्ट कन्भेनर रभिश साहेवालाले जानकारी दिए । सो अवसरमा प्रदेश–१ को धरान, रंगेली, निमुवासहित काठमाडौं, भैरहवा, वीरगञ्ज, चितवन, धनगढीलगायतका स्थानमा खेलकुद प्रतियोगिता, चित्रकला प्रतियोगिताका साथै स्टेशनरी सामग्री र खाजा वितरण गरेको साहेवालाले जानकारी दिए ।
राउण्ड टेबलका विभिन्न टेबलरहरुको सहभागिता रहेको कार्यक्रममा उक्त प्रतियोगितामा विजयी भएकाहरुलाई पुरस्कारसमेत वितरण गरिएको थियो । सामाजिक सेवामा सक्रिय राउण्ड टेबल नेपालले विभिन्न विद्यालयको संरक्षण गर्दै आएको छ ।
