१२ असोज, काठमाडौं ।
आज सेप्टेम्वर २८ । आज विश्व इतिहासमा विभिन्न सामाजिक तथा राजनीतिक घटनाक्रम विकसित भएका थिए । प्रस्तुत छ आज भएका केही महत्वपूर्ण घटनाः
फाल्कन १ को अन्तरिक्ष यात्रा
सन् २००८ मा पहिलो निजी अन्तरिक्ष यान फाल्कन १ पृथ्वीबाट अन्तरिक्षमा पठाइएको थियो । स्पेस एक्सको चौथो प्रयासमा सो यान अन्तरिक्षमा पुग्न सफल भएको थियो ।
ओस्लो सम्झौता
सन् १९९५ मा इजरायल र प्यालेस्टाइन स्वतन्त्र संगठन (पीएलओ) बीच ओस्लामा दोस्रो सम्झौता भएको थियो । सम्झौतापछि गाजा र वेस्ट वैंकलाई तीन ओटा क्षेत्रमा विभाजन गरि यी क्षेत्रमा प्यालेस्टिनीको पहुँच सीमित गरिएको थियो । इजरायली प्रधानमन्त्री इत्ज्याक रविन र पीएलओ नेता यासेर अराफातबीच सो सम्झौता भएको थियो ।
युनाईटेट अरब रिपब्लिकको बिघटन
सन् १९६१ मा युनाईटेट अरब रिपब्लिक बिघटन भएको थियो । सिरियाको राजधानी दमास्कसमा भएको कु पछि आजकै दिन युनाईटेड अरब रिपब्लिकको बिघटन भएको थियो ।
अमेरिकी वायु सेवाका चालकको रेकर्ड
सन् १९२४ को ६ अप्रिलमा विश्वका आकाशमा उडान गर्ने उदेश्यले अमेरिकी वायु सेवाका चालकहरुको चार ओटा समूह वासिंगटनबाट उडेका थिए । सियाटल, शिकागो, बोस्टन र न्यु ओरलिन्स नाम दिइएका चार ओटा विमानमध्ये बोस्टन र सियाटलले तोकिएको २७ हजार पाँच सय माईल यात्रा पूरा गर्न असफल भएका थिए ।
