१० कार्तिक, काठमाडौं।
बागमती प्रदेशकाे मुख्यमन्त्रीमा नेकपा (एकीकृत समाजवादी)संसदीय दलका नेता सांसद राजेन्द्र पाण्डेले दाबी पेस गरेका छन् ।
पाण्डेले कांग्रेस र नेकपा (माओवादी केन्द्र) लगायत चार दलका ५९ सांसदको समर्थनसहित मुख्यमन्त्रीमा आज साँझ दावी पेश गरेका हुन् ।
अष्टलक्ष्मी शाक्यले आजै संसद बैठकमा सम्बोधन गरेर पदबाट राजीनामा दिएकी थिईन् । शाक्यले राजीनामा दिएपछि प्रदेश प्रमुख यादवचन्द्र शर्माले भोलि बिहीबार ३ बजेसम्म मुख्यमन्त्रीका लागि दाबी पेश गर्न आह्वान गरेका थिए ।
१०९ सदस्यीय प्रदेशसभामा सरकार गठनका लागि ५५ सांसदको समर्थन चाहिन्छ ।
