३ मंसिर, काठमाडौँ।
राष्ट्रिय प्रजातन्त्र पार्टी (राप्रपा) को महाधिवेशन सरेको छ । अध्यक्ष त्रय कमल थापा, पशुपति शमशेर राणा र प्रकाशचन्द्र लोहनीको बिहीबार बसेको बैठकले महाधिवेशनको नयाँ मिति तय गरेको हो ।
केन्द्रीय सचिवालय प्रमुअ भास्कर भद्रा र धुव्र बहादुर प्रधानले बिहीबार एक विज्ञप्ति जारी गर्दै महाधिवेशनको मिति सरेको जानकारी दिएका छन् ।
विज्ञप्तिमा भनिएको छ, ‘राप्रपा केन्द्रीय निर्वचन समितिको पार्टी महाधिवेशनको मिति परिबर्तन गर्ने सिफारिसलाई दृष्टिगत गर्दै पार्टीका त्रय अध्यक्षहरुको आज बसेको बैठकले आगामी मङ्सिर ११, १२ र १३ गते काठमाडौँमा गर्ने भनिएको महाधिवेशनको मिति परिबर्तन गरि आगामी मङ्सिर १५, १६ र १७ गते काठमाडौँमा आयोजना गर्ने निर्णय गरिएको छ ।’
महाविधेशनका लागि राप्रपाले जिल्ला अधिवेशन र प्रदेश अधिवेशन सम्पन्न गरिसकेको छ ।
