विराटनगर, साउन २४
२४औं विश्व आदिवासी जनजाति दिवसको अवसरमा विराटनगरमा विविध कार्यक्रम गरिएको छ । दिवसको अवसरमा नेपाल आदिवासी जनजाति महासंघ प्रदेश समन्वय परिषद र नगर समन्व्य परिषदको आयोजनामा अवसरमा झाँकी र सभा आयोजना गरिएको छ ।
सो अवसरमा स्थानीय सन्सारी माई मन्दिर परिसरबाट निकालिएको झांकी सहितको ¥यालीले नगरक्षेत्रको ट्राफिकचोकबाट मेनरोड, जलजलारोड, अस्पतालचोक हुंदै नगरक्षेत्रको विभिन्न भागको परिक्रमा गरेको थियो ।
¥यालीमा आदिवासी जनजाति सम्बद्ध विभिन्न जातीय समुदायको पहिचान झल्किने नृत्य र पोसाक प्रस्तुत गरिएको थियो । ¥यालीले नगरक्षेत्रको परिक्रमा गरेपछि स्थानीय वीरेन्द्र सभागृहमा पुगेर सभामा परिणत भएको थियो ।
सभामा प्रदेश एकका सामाजिक विकासमन्त्री जीवन घिमिरे, प्रदेश सभा सदस्यहरु जयराम यादव, प्रतापप्रकाश लिम्बु र बिष्णुमाया तुम्बाहाम्फेसहित विराटनगर महानगरपालिकाका प्रमुख भीम पराजुली लगायतले मन्तव्य व्यक्त गरे ।
कार्यक्रममा नेपाल आदिवासी जनजाति महासंघ प्रदेश एक समन्वय परिषदका संयोजक ध्रुबकुमार लिम्बुलगायतले आदिवासी जनजातिको मुद्धा सम्बोधन गर्न राज्य गम्भीर हुनुपर्ने माग गरे ।
