८ मंसिर, काठमाडौं ।
नेपाली कांग्रेसका युवा नेता भुपेन्द्रजंग शाहीले पार्टी रुपान्तरणका लागि ३० बुदे प्रस्ताव सार्वजनिक गरेका छन्।
मंगलबार काठमाडौंमा एक कार्यक्रम आयोजना गरी युवानेता शाहीले महाधिवेशन नेतृत्व परिवर्तनका लागि मात्र नभई विचार र सिद्धान्तका लागि हुनुपर्ने बताए। पार्टीलाई नयाँ उचाइमा लैजान पार्टी नेतृत्व गम्भीर नभएको उनको भनाइ थियो।
‘यो महाधिवेशनमा नेताको मात्रै कुरा भयो। पदको लागि मात्रै कुरा भयो। कांग्रेसलाई अग्रगति, गतिशील बनाउन, पार्टीलाई नयाँ उचाइमा पुर्याउन के गर्ने? भन्ने बारेमा कुनै छलफल भएन,’ उनले प्रस्ताव सार्वजनिक गर्दै भने।
शाहीले गुटबन्दी तथा नातावादको अन्त्य गरी योगदानका आधारमा कार्यकर्तालाई जिम्मेवारी दिनुपर्ने बताएकाम छन्।
आर्थिक हैसियत र पहुँचका आधारमा कार्यकर्ताको इमान र योगदानका आधारमा कार्यकर्तालाई स्थान दिनुपर्ने उनको भनाइ छ।
