४ पुस, एजेन्सी ।
फिलिपिन्समा हालैको आँधीका कारण मृत्यु हुनेको संख्या ७५ नाघेको छ।
गएको बिहीबार आएको सुपर टाइफुन राईका कारण कम्तीमा ७५ जनाको ज्यान गएको स्थानीय अधिकारीलाई उद्धृत गर्दै अन्तर्राष्ट्रिय सञ्चारमाध्यमले जनाएका छन् ।
राई आँधीका कारण करिब १९५ किलोमिटर प्रतिघण्टाको गतिमा हावा चलेको थियो।
फिलिपिन्सको दक्षिण पूर्वी टापु क्षेत्रमा आँधीले बढी क्षति गरेको छ । त्यहाँका तीन लाख भन्दा बढी मानिस सुरक्षित स्थानमा जान बाध्य भएका थिए । आँधीका कारण ठूलो मात्रामा भौतिक क्षति भएको छ ।
