Nepal Times
Nepal Times
3
Shares

चीनले बनायो कृत्रिम सूर्य, वास्तविक सूर्यभन्दा ५ गुणा तातो

चीनले बनायो कृत्रिम सूर्य, वास्तविक सूर्यभन्दा ५ गुणा तातो

२२ पुस, एजेन्सी ।
चीनले कृत्रिम सूर्य बनाएर नयाँ रेकर्ड कायम गरेको छ।

चिनियाँ समाचार एजेन्सी सिन्ह्वाका अनुसार चीनले वास्तविक सूर्यभन्दा पाँच गुणा तातो न्युक्लियर रियाक्टर (कृत्रिम सूर्य)लाई १७ मिनेटसम्म चलाएको हो। यो क्रममा यसबाट ७ करोड डिग्री सेल्सियस तापक्रम निस्किएको थियो।

यो कृत्रिम सूर्यलाई द एक्सपेरिमेन्टल एडभान्स्ड सुपरकन्डक्टिङ टोकामाक (इस्ट) नाम दिइएको छ। ताराहरुमा प्राकृतिकरुपमा हुने रासायनिक प्रतिक्रियाको नक्कल गर्दै असीमित स्वच्छ ऊर्जाको विकास गर्नु यसको लक्ष्य हो।

इस्ट परियोजनाको लागि चीनले ७ खर्ब पाउण्डबराबरको रकम खर्च गरेको छ। आगामी जुनसम्ममा यसको परीक्षण सकिने समाचारमा बताइएको छ। सूर्यलगायतका ताराहरुमा हुने ‘न्युक्लियर फ्युजन’ रासायनिक प्रतिक्रियालाई नवीकरणीय स्रोतको उत्तम माध्यम मानिन्छ।

यद्यपि लामो समयदेखि यस्तो प्रविधि प्रयोग गरेर ऊर्जा विकास गर्ने प्रयास भइरहेको भए पनि अहिलेसम्म त्यसले मूर्तरुपमा पाउनसकेको छैन।

तपाईंको प्रतिक्रिया

© copyright 2022 and all right reserved to Nepal Times | Design By : InDesign Media Pvt. Ltd.